عجينة السيراميك الإير دراي: ازاي نعمل دلاية او عٌليقة علي شكل ميكروفون؟

صباح/مساء الأنوار

كبداية في التعامل مع عجينة السيراميك اللي بتتصلب بالهواء او طين الاير دراي الاكسسوارات لطيفة جدا وعملية وسهلة التنفيذ ومبتحتاجش وقت كبير وبما اني بحب جدا التشارمز قررت اعمل دلاية او تشارم على شكل ميكروفون للي بيحب الغنا والمزيكا

الطريقة بسيطة جدا

 الأول بنقطع جزء منها نشتغل عليه ونحاول نقدر كدة اد ايه تقريبا الشكل اللي هنعمله عشان منقطعش بزيادة وينشف مننا

وبعدين نعجنه كويس اوي مع بعضه بحيث يكون طري و مفهوش كلاكيع

وناخد جزء صغير نلفه بكف ايدينا على بعض على شكل كورة اللي هو بيمثل راس الميكروفون عندنا

FQAs عن كل ما تحتاج معرفته عن عجينة السيراميك

طين التشكيل المعروف باسم “عجينة السيراميك” من الخامات الي بتدينا مساحة كبيرة من الإبداع كدة لأنها مش بتقيدنا لا بشكل ولا لون معين، ممكن نشكلها زي ما احنا عايزين و نطليها باي لون او شئ احنا عايزينه، الاحتمالات غير محدودة هنا من حلى وإكسسوارات لأدوات مكتبية لقصريات زرع لأنتيكات أي حاجة تخطر على بالنا

وزي اي خامة ليه انواع وخصائص كتير وده طبعا بيأثر على شكل المنتج النهائي اللي عايز تعمله يعني مثلا الطين اللي بتعمل منه فخار وبيتحط في افران خاصة غير اللي ممكن نعمل بيه اكسسوارات او طقطوقة صغيرة غير اللي ممكن نعمل منه أشكال مصغرة

البوست ده عشان يساعدك وانت لسة بتبدي تختار النوع المناسب للحاجة اللي عايز تعملها بدل ما الواحد يتعب نفسه في حاجة و تبوظ عشان خصائص الخامة بتاعته مش مناسبة ليها ويكون مش عارف ايه السبب و اصلا ده ممكن يحبطه انه يكمل في الطين في حين ان كل مشكلته مجرد معلومات لو عرفها خلصت المشكلة

 حبيت اعمل البوست على شكل اسئلة واجابات لأني وانا بدور عموما في اي حاجة مش عارفاها دي بتكون اسهل طريقة تفهمني الليلة من غير ما أدور كتير

 البوست بيتجدد كل فترة لو جاتلي اسئلة جديدة لوحد عنده سؤال ملقاش اجابته هنا يا ريت يكتبهولي في التعليقات